(561) SOUS LE RÈGNE DE CHARLES VI. 321

ses loyaulx et vrays heritiers, seulz et pour le tout, les diz Jaques, André et Phelippe, diz Raponde, ses freres, et chascun d'eux pour la tierce porcion.

Et pour toutes les choses dessus dictes et chascune d'icelles entériner, mener et mettre à execucion et fin deue, et les acomplir de point en point le dit Dyne Raponde, testateur, fist, ordonna, nomma, constitua, establi et esleut ses executeurs et feaulx commissaires les diz Jaques, André et Phelippe, diz Raponde, ses freres, maistres Jehan Hue, arcediacre d'Avallon et Jehan de Vaily, advocat en Parlement, Nicolas Maulin, Michiel Mercat, François Achieptant, Laurens Trente, Gualonne Trente, son filz, Ange Christophle, Jaques Raponde, filz de Jehan Raponde, Marc Gaidichon, Nicolas Szpauli et Pol Ruzolin, nepveu du dit testateur, ausquelx et aux deux d'iceulx, desquelx le dit Jaques soit l'un, il donna, octroya et attribua plain povoir, auctorité et mandement especial de entériner, faire, acomplir, mener et mettre à execucion et fin deue de point en point tous les laiz, ordonnances et choses dessus dictes et chascune d'icelles, les circonstances et deppen-dences, et oultre de faire quanque bons et loyaulx executeurs pevent et doivent faire, mais il ne les voult aucunement estre compellez ne contrains par court d'église ne séculière à paier aucun des laiz dessus diz jusques à deux ans ensuivans à compter dujour de son trespassement, excepté le laiz fait au dit Jehan Raponde, son nepveu, filz du dit feu Guillaume Raponde, qu'il voult et ordonna estre paié et acompli en la maniere que dit est dessus ; toutes voies il charga et charge ses diz executeurs d'entériner, paier et acomplir ce present testament le plus tost qu'ilz pourront bonnement. Es mains desquelx ses executeurs il transporta et transporte pour ce tous ses biens quelques ilz soient, et les en saisi et vesti, et voult estre saisiz et vestuz par le bail et os-tencion de ces presentes seulement, pour les prendre, vendre et exploiter jusques à plain et enterin acomplissement de ce dit present testament, tantost lui aié de vie à trespassement, et pour ce il obliga et oblige tous ses diz biens ; et yceulx avec le fait de son execucion, les desbas, procès ou descors, s'aucuns en sourdoient, les circonstances et



	(561) SOUS LE RÈGNE DE CHARLES VI. 321 ses loyaulx et vrays heritiers, seulz et pour le tout, les diz Jaques, André et Phelippe, diz Raponde, ses freres, et chascun d'eux pour la tierce porcion. Et pour toutes les choses dessus dictes et chascune d'icelles entériner, mener et mettre à execucion et fin deue, et les acomplir de point en point le dit Dyne Raponde, testateur, fist, ordonna, nomma, constitua, establi et esleut ses executeurs et feaulx commissaires les diz Jaques, André et Phelippe, diz Raponde, ses freres, maistres Jehan Hue, arcediacre d'Avallon et Jehan de Vaily, advocat en Parlement, Nicolas Maulin, Michiel Mercat, François Achieptant, Laurens Trente, Gualonne Trente, son filz, Ange Christophle, Jaques Raponde, filz de Jehan Raponde, Marc Gaidichon, Nicolas Szpauli et Pol Ruzolin, nepveu du dit testateur, ausquelx et aux deux d'iceulx, desquelx le dit Jaques soit l'un, il donna, octroya et attribua plain povoir, auctorité et mandement especial de entériner, faire, acomplir, mener et mettre à execucion et fin deue de point en point tous les laiz, ordonnances et choses dessus dictes et chascune d'icelles, les circonstances et deppen-dences, et oultre de faire quanque bons et loyaulx executeurs pevent et doivent faire, mais il ne les voult aucunement estre compellez ne contrains par court d'église ne séculière à paier aucun des laiz dessus diz jusques à deux ans ensuivans à compter dujour de son trespassement, excepté le laiz fait au dit Jehan Raponde, son nepveu, filz du dit feu Guillaume Raponde, qu'il voult et ordonna estre paié et acompli en la maniere que dit est dessus ; toutes voies il charga et charge ses diz executeurs d'entériner, paier et acomplir ce present testament le plus tost qu'ilz pourront bonnement. Es mains desquelx ses executeurs il transporta et transporte pour ce tous ses biens quelques ilz soient, et les en saisi et vesti, et voult estre saisiz et vestuz par le bail et os-tencion de ces presentes seulement, pour les prendre, vendre et exploiter jusques à plain et enterin acomplissement de ce dit present testament, tantost lui aié de vie à trespassement, et pour ce il obliga et oblige tous ses diz biens ; et yceulx avec le fait de son execucion, les desbas, procès ou descors, s'aucuns en sourdoient, les circonstances et 4-